سپیډ او کوکاین

سپیډ او کوکاین خلکو ته دا احساس ورکوي چې کم ستړي دي. د ولږې احساس ورکېږي او خلک یې د استعمال نه وروسته ځان ډېر خوشحاله احساسوي. خلک ډاډمن وي او ډېرې خبرې کوي.

د سپیډ او کوکاینو استعمال ښايي د سختې بدني او دماغي ستړیا سبب شي. استعمال یې همداراز ښايي د سخت دماغي اعتیاد سبب شي.

د سپیډ او کوکاینو ځان سره ساتل، خرڅول، اخیستل او واردول په قانون کې منع دي.

د مخدره موادو په استعمال کې تل خطرونه شامل وي. دا خبره د سپیډ او کوکاین په شمول د ټولو مخدره موادو لپاره ریښتیا ده. که تاسو د خطرونو سره مخ کېدل نه غواړئ، نو تاسو لپاره بهتره دا ده چې مخدره مواد استعمال نه کړئ. که بیا یې هم استعمالول غوره کړئ، نو کوښښ وکړئ چې خطرونه یې تر امکاني حده محدود کړئ.