Lojërat e fatit lejohen në Belgjikë, por ka rregulla të rrepta. Lejohet vetëm në një numër të kufizuar biznesesh të licencuara për këtë qëllim. Kazinotë, sallat e makinave të lojërave të fatit, dyqanet e basteve dhe faqet e lojërave të fatit janë të hapura vetëm për personat mbi moshën 21 vjeç. Gjithashtu, mund të luani në makinat e lojërave të fatit në bare vetëm nëse jeni 21 vjeç ose më të mëdhenj. Duhet të futni kartën tuaj të identitetit në fillim të një loje. Pjesëmarrja në lojërat e Lotarisë Kombëtare lejohet nëse jeni 18 vjeç ose më të moshuar (përveç basteve sportive, për të cilat duhet të jeni 21 vjeç).
Njerëzit mund ta mbrojnë veten nga problemet e lojërave të fatit duke kërkuar që t‘u ndalohet hyrja në kazino, salla makinash lojërash fati, dyqane bastesh dhe faqe online të lojërave të fatit. Ju mund ta kërkoni këtë përmes Komisionit të Lojërave të Fatit. Familja ose “palë të interesuara” të tjera (si partneri i dikujt) gjithashtu mund të kërkojë një ndalim të tillë hyrjeje.
